Enn og aftur er kominn laugardagur og það þýðir vinna í ritgerðarsmíð á þessum bæ. Ég hef ekki skrifað mikið, en hugmyndirnar eru búnar að bulla og sjóða í hausnum á mér alla vikuna.

Þannig að aftur er stemmningin kósí, með kaffibolla fyrir framan tölvuna. Það skemmir heldur ekki fyrir að elskan mín hann Mörður situr fyrir framan tölvu þessa stundina heima á Íslandi og við erum að hlusta á sömu útvarpsstöðina, hann í gegnum netið og ég bara í útvarpinu upp á gamla mátan. Manni finnst eins og hann sé pínu nær ef við erum að hlusta á sömu tónlist.