Haldið þið ekki bara að í dag sé fyrsti vetrardagur í Ameríku. Það hefði verið meira viðeigandi að hafa fyrsta vetrardag í gær, því það snöggkólnaði og það var ellefu stiga frost, átján gráður með vindkælingu (brrrrr.. það næddi um mann raki vindurinn í gær). Það er ekki lengra síðan tvær vikur að það var næstum fimmtán stiga hiti hér.

Ég afrekaði það að stíga á eina hálkublettinn í borginni í morgun og detta og rífa gallabuxurnar mínar og fá sár á hnéð. Þannig að nú líður mér eins og ég sé fimm ára og þarf að þola háðsglósur eins og: "And you call yourself Icelandic".